Det er ledig ei fast stilling som

VERKSTADLEIAR

Vi opprettar ei ny stilling som verkstadleiar, der målet med stillinga er å sikre god arbeidsflyt, få ei betre oversikt over heilskapen, og betre prosessane for verkstadene våre. Vi søkjer etter deg som er ein trygg leiar, og har erfaring og evner til å sjå heilskapen i produksjonsprosessane våre. I prosessen vil du vere eit viktig bindeledd mellom kunstnarlege team, verkstadene, teknisk kontor og produksjonsavdelinga. Du vil ha ansvar for å sikre god dokumentasjon.

Du vil ha eit overordna ansvar for snikkar/smie, målarsal, kostyme, maske, rekvisitt og konstruksjon, med personalansvar for fagavdelingsleiarane og konstruktør. Ansvaret inneber å sikre at leveransane er i rute med tanke på rammer og ressursar, kunstnarlege ambisjonar og helse, miljø og tryggleik (HMT).

Ønskt kompetanse:

• Relevant utdanning er eit krav, gjerne som ingeniør og/eller tekniske fag
• Erfaring frå teaterproduksjon, produksjons- og/eller personalleiing vil vektleggast
• God datakunnskap og systemforståing, bl.a. kjennskap til 2D og 3D CAD-system
• Dokumentert erfaring frå HMT-arbeid

Kvalifikasjonar og personlege eigenskapar:

• Gode leiareigenskapar
• Gode kommunikasjonsevner, også skriftleg
• Respekt og interesse for kunstnarlege prosessar
• Evner til langsiktig planlegging, med interesse for kontinuerleg å vidareutvikle gode arbeidsprosessar
• Interesse for ny teknologi
• Personlege eigenskapar vil vektleggast

Vi tilbyr :

• Ein spanande og utfordrande jobb i eit hektisk arbeidsmiljø  
• Stor tilgang til kunstnarlege opplevingar 
• God kollektiv pensjons- og gruppelivsforsikring 
• Gunstig ferieordning 

Arbeidstid er hovudsakeleg på dagtid i vekedagane, men arbeid på kveld og i helg kan påreknast.  Det Norske Teatret ønsker å spegle samfunnet og oppfordrar kvalifiserte kandidatar som kan auke mangfaldet i organisasjonen vår til å søkje. 

Spørsmål om stillinga kan rettast til teknisk sjef Oddgeir Kummen, tlf. 975 32 686,

e-post: oddgeir.kummen@detnorsketeatret.no